اخيرا بعد اشهر من البحث والفحص والتمحيص والتدقيق ، اتفئا على ( اتفق العرب على الا يتفقو ) اننا حنا الموظفين نطلع شطحة ( رحلة) ، هي بصراحة ما كانت هالشطحة الكبيرة مجرد طلعة على محل في شجر نعمل نش وانعسل وننبسط ، بلشنا نختار اماكن اول واحد نط زي الاسد على البادان ( الله ايعدمني اياه ) اكيد لا لانها بتكون الناس فيها زي الرز ، اوك محل تاني نطلع على جبل نابلس جرزيم على منطقة ( تل ) هناك في شجر واحراش والمنطقة حلوة بس استبعدناها ما بعرف ليش ، اقتراحات هون هناك هون هناك بالاخر اتفئنا ( اتفق العرب على الا يتفقو ) على انروح على منطقة وادي قانا ، وهي بالمناسبة منطقة اكتيير حلوة وفلسطينية بحت بس للاسف واقعة بين مسوطنات يعني حيكون في خوف من الروحة عشان المستوطنين واليهود ومن هيك حكي ، بس احنا شعب فلسطيني ما بهمنا شي ، يا ربي حتي اليوم اللي بنقرر فيه انا نطلع لازم انحط حساب للمستوطنين واليهود !
دبرنا باص واتفئنا نطلع يو الجمعة ، وكان وقت الاجتماع على الساعة 9.30 انا زي الشطار اصحيت على الساعة 8 الصبح عاساس اني ما اتاخر عالموعد تحمم البس حضر العدة الارجيلة ، المعسل ، الفحم ...... واطلع ركض اوصلت 9.20 يعني ابل الموعد بــ 10 دقايق ...... ويا سلام على الوضع شو كان طبعا ما لقيت حدا واكيد ما كانو سابقيني ، كلو اجا متاخر الله ينعن ابو المواعيد في هالبلد قال انا اصحا عالساعة 8 لصبح عشان الكل ييجي متاخر ، بسيطة يا سيدي اتجمعنا اخيرا واطلعنا ، اوصلنا عالمنطقة ( واد قانا ) شفنا محل اكتيير حلو فردنا اغراضنا فيه وبلشنا حفلتنا وكان في تحت منا اشوي نبعة مي اصغيرة الولاد الصغار كانو عم بسبحو فيها واحنا بنص الاعدة اجا تقريبا ابو 10 شباب مستوطنين بدهم يصيدو دفاضع ويسبحو بالبركة
، هو صح ما حكو مع حدا بس الجو بشكل عام اتعكر خاصة انو كان في شب معاهم حامل اسلاح ، صارو جماعتنا هلا بطخونا هلآ .... هلأ ..... مو علينا كملنا شطتنا بس واحنا كلنا من جوا عم بنفكر شو ممكن هدول المستوطنين يعملوا ازا اجا على بالهم وروحنا بعد يوم طويلــــــــــــل .......
دبرنا باص واتفئنا نطلع يو الجمعة ، وكان وقت الاجتماع على الساعة 9.30 انا زي الشطار اصحيت على الساعة 8 الصبح عاساس اني ما اتاخر عالموعد تحمم البس حضر العدة الارجيلة ، المعسل ، الفحم ...... واطلع ركض اوصلت 9.20 يعني ابل الموعد بــ 10 دقايق ...... ويا سلام على الوضع شو كان طبعا ما لقيت حدا واكيد ما كانو سابقيني ، كلو اجا متاخر الله ينعن ابو المواعيد في هالبلد قال انا اصحا عالساعة 8 لصبح عشان الكل ييجي متاخر ، بسيطة يا سيدي اتجمعنا اخيرا واطلعنا ، اوصلنا عالمنطقة ( واد قانا ) شفنا محل اكتيير حلو فردنا اغراضنا فيه وبلشنا حفلتنا وكان في تحت منا اشوي نبعة مي اصغيرة الولاد الصغار كانو عم بسبحو فيها واحنا بنص الاعدة اجا تقريبا ابو 10 شباب مستوطنين بدهم يصيدو دفاضع ويسبحو بالبركة
، هو صح ما حكو مع حدا بس الجو بشكل عام اتعكر خاصة انو كان في شب معاهم حامل اسلاح ، صارو جماعتنا هلا بطخونا هلآ .... هلأ ..... مو علينا كملنا شطتنا بس واحنا كلنا من جوا عم بنفكر شو ممكن هدول المستوطنين يعملوا ازا اجا على بالهم وروحنا بعد يوم طويلــــــــــــل .......
ليست هناك تعليقات:
إرسال تعليق