اليوم الجمعة ، يوم غير عادي طويــــــــــــل ، اطول من شهر رمضان ، عفت النت والمسنجر والفيس بوك والافلام والكتب والدراسة وعايف ......... ، طبعا حكيت على الشباب ويا سلام عليهم من شباب ، هاد طفران وهداك سكران ، هاد نايم وهداك عم برخص وهاد بدرس وهداك زنخ ما بنطلع معاه محل ! هففففففف
اخيرا لقيت حدا كامل متكامل بكل المواصفات يلا وين بدنا ننزل طبعا كتبنا قائمة خيارات :
1. على اهوة قصر النيل بالبلد
2. على اهوة قصر النيل بالمخفية
3. على اهوة قصر النيل برفيديا ، على اهوة ..... على اهوة .....
طبعا كل الخيارات كانت بتنتهي بكلمة اهوة ، بعد التفكير العميق اخترنا اهوة قصر النيل اللي برفيديا عشان نضرب عصفورين بحجر ، الاول بتكون رفيديا هلأ مليانة يمين شمال شباب صبايا محترمين صايعين ! التاني انو في هناك اهوة اكتيير لذيذة . اوصلنا الاهوة واكيد كانت فل واتوقع انكم كلكم عارفين ليش ؟؟! بالموت لدبرنا صاحب الاهوة طاولة على الشباك لانا زباين مميزين ، العبنا اشوية طاولة زهر ، اشوية شدة ، اشربنا اهوة على الريحة وعسلنا فخفخينا ، مش هون الفكرة نيجي للمهم ، ادام الاهوة مباشرة في محل بناشر اعجال وفي كان ولد عمرو بالكتير 7 سنين على احسن تقدير ، بنطلونه امسحول وريالته نازله ايديه سود ماسك الجك والمنفاخ وعم بعمل بنشر لسيارة ورا سيارة ، اشوي اجت سيارة مرسيدس موديل 2008 فيها رجال مشورب و 3 اولاد اصغار ، في جمب محل البنشرجي محل ببيع بوظة شامية !
نزل الاب من السيارة يشتري بوظة واعطا المفتاح لولد من اولاده بحط فيه 8 سنين على الكتير ، وحكالو روح نفخ العجال ، شغل الولد السيارة وصف على باب البنشرجي وحكالو ينفخ العجال لمين للولد الصغير طبعا !
طبعا ما بدها اكتـيـــــــــــــر تفكير ، احسبها وقلبها بعقلك وحكيلي ليش هالولد البنشرجي مش قاعد يوم الجمعة مع اهله واخوته بالدار ، ليش ما عم بلعب فتبول مع اصحابه بالحارة ، ليش تيحس بالمسؤولية بهاد العمر وليش هداك الولد سايق سيارة موديل سنتها ؟ ولابس احسن لبس و .......
هلا انا بدي حدا منكم يحكيلي وين العدل في الوضو ع ؟
بين عجلات الزمن ولا رصيف الايام ؟
وينـــــــــــــــــــــــ
وين ؟
اخيرا لقيت حدا كامل متكامل بكل المواصفات يلا وين بدنا ننزل طبعا كتبنا قائمة خيارات :
1. على اهوة قصر النيل بالبلد
2. على اهوة قصر النيل بالمخفية
3. على اهوة قصر النيل برفيديا ، على اهوة ..... على اهوة .....
طبعا كل الخيارات كانت بتنتهي بكلمة اهوة ، بعد التفكير العميق اخترنا اهوة قصر النيل اللي برفيديا عشان نضرب عصفورين بحجر ، الاول بتكون رفيديا هلأ مليانة يمين شمال شباب صبايا محترمين صايعين ! التاني انو في هناك اهوة اكتيير لذيذة . اوصلنا الاهوة واكيد كانت فل واتوقع انكم كلكم عارفين ليش ؟؟! بالموت لدبرنا صاحب الاهوة طاولة على الشباك لانا زباين مميزين ، العبنا اشوية طاولة زهر ، اشوية شدة ، اشربنا اهوة على الريحة وعسلنا فخفخينا ، مش هون الفكرة نيجي للمهم ، ادام الاهوة مباشرة في محل بناشر اعجال وفي كان ولد عمرو بالكتير 7 سنين على احسن تقدير ، بنطلونه امسحول وريالته نازله ايديه سود ماسك الجك والمنفاخ وعم بعمل بنشر لسيارة ورا سيارة ، اشوي اجت سيارة مرسيدس موديل 2008 فيها رجال مشورب و 3 اولاد اصغار ، في جمب محل البنشرجي محل ببيع بوظة شامية !
نزل الاب من السيارة يشتري بوظة واعطا المفتاح لولد من اولاده بحط فيه 8 سنين على الكتير ، وحكالو روح نفخ العجال ، شغل الولد السيارة وصف على باب البنشرجي وحكالو ينفخ العجال لمين للولد الصغير طبعا !
طبعا ما بدها اكتـيـــــــــــــر تفكير ، احسبها وقلبها بعقلك وحكيلي ليش هالولد البنشرجي مش قاعد يوم الجمعة مع اهله واخوته بالدار ، ليش ما عم بلعب فتبول مع اصحابه بالحارة ، ليش تيحس بالمسؤولية بهاد العمر وليش هداك الولد سايق سيارة موديل سنتها ؟ ولابس احسن لبس و .......
هلا انا بدي حدا منكم يحكيلي وين العدل في الوضو ع ؟
بين عجلات الزمن ولا رصيف الايام ؟
وينـــــــــــــــــــــــ
وين ؟
ليست هناك تعليقات:
إرسال تعليق